मंगळवार, ४ मे, २०१०

फॉण्ट (font) , फॅक्स (fax) ह्या शब्दांतील ( ॲ आणि ऑ ) मराठीत कसे लिहावे - टंकलिखित (टाइप) करावे

फॉण्ट font , फॅक्स fax हे शब्द मराठीत कसे लिहावे - टंकलिखित (टाइप) करावे ?
फॉण्ट = फ + ॉ + ण + ् + ट
फॅक्स = फ + ॅ + क + ् + स
-ॲ, ऑ (ह्यातला ॲ ( ॲ - ॲक्ट (act) मधला कसा लिहाल?) अजूनही काही टंक वापरून नीट दिसत नाही ). युनिकोडात ह्या दोन्ही अक्षरांसाठी खालील चिन्हे उपलब्ध आहेत.
U+090D - ऍ (हे मराठीत वापरत नाहीत )
U+0911 - ऑ
U+0945 - ॅ
U+0949 - ॉ
U+0972 - ॲ (हे मराठीत वापरतात )
( संदर्भ: http://unicode.org/charts/PDF/U0900.pdf)
ही चिन्हे कॉपी पेस्ट करूनही वापरता येतील. करॅक्टर-मॅपमध्येही (Start>all programs>accessories>system tools>character map) ती सापडतील. युनिकोड (U+090D इ. ) वापरुन ही चिन्हे लिहिता येतात. (अधिक माहितीसाठी हे पाहा : http://unicode.org/faq/font_keyboard.html#3 ) इनस्क्रिप्टचा कळपाट (कीबोर्ड) , युनिकोड आणि टंक (फॉण्ट) ह्या तीन वेगवेगळ्या गोष्टी आहेत. त्यामुळे जरी युनिकोडात (version 5.0) ही चिन्हे असली तरी ती इनस्क्रिप्टच्या कीबोर्डमध्ये अजूनही नाहीत. आणि 'ॲ' अजूनही काही टंकांमध्ये उपलब्ध नाही.
ॲ वर अधिक माहितीसाठी हे वाचा : http://pravin-s.blogspot.com/2008/09/samyak-devanagari-is-now-unicode-51.html

२ टिप्पण्या:

shantanu म्हणाले...

खालील दोन शब्द दिसायला सारखे असले तरी युनिकोडच्या दृष्टीने वेगळे आहेत.
बँक
बॅंक

पहिल्या शब्दात ॅं ऑ काढून मग अनुस्वार देऊ नये. त्यासाठी स्वतंत्र चिन्ह आहे. ँ
अधिक माहिती...

http://code.google.com/p/hunspell-marathi-dictionary/issues/detail?id=22

सुशान्त म्हणाले...

शंतनु,
बॅंक आणि बँक हे दोन्ही शब्द युनिकोडाच्या दृष्टीने वेगवेगळे आहेत हे आपलं म्हणणं अगदी बरोबर आहे. पण ँ हे चिन्ह अॅ ह्या स्वराच्या अनुनासिक भेदाचं नाही.
ँ हे चिन्ह हे मुळात स्वराचं सानुनासिकत्व दाखवण्यासाठी वापरत. उदा. आपण होकार देताना जेव्हा हं असं म्हणतो तेव्हा त्या ह ह्या व्यंजनापुढल्या अकाराचा उच्चार अनुनासिक म्हणजे तोंड आणि नाक ह्या दोहोंतून होणारा असतो. अशा ठिकाणी हे चिन्ह वापरण्यात येई.
आपण पुढे केवळ शिरोबंदूच (ं) हा उच्चाराचा भेद दाखवायलाही वापरू लागलो.
ँ हे चिन्ह युनिकोडातही अनुनासिकाचं आहे. ते सर्व स्वरांवर येऊ शकतं. उदा. हँ (अ), आँ (आ - हा ऑल् मधल्या ऑचा सानुनासिक भेद नसून आ ह्याचा सानुनासिक भेद आहे), ह्रीँ (ई - हा शब्द काही मंत्रांत वापरतात.), ऊँ (ऊ).
तेव्हा लिपिचिन्हांच्या जोडणीत सारखेपणा भासला तरी युनिकोडातला संकेत उमजून लिहायचं ठरवलं तर बॅंक लिहिताना चंद्रकोरीनंतर शिरोबंदूच (ँ) दिला पाहिजे. ब लिहून चंद्रबिंदू (ँ) देऊन चालणार नाही.